السلام عليكم ورحمه الله وبركاته
وطبعا زي اي انسان فقد شغله بدأت ادور على شغل جديد وطبعا اتبعت الخطوات التقليديه
اول حاجه عملت سيفي جديد ودورت على أشكال السيفيهات الموجوده دلوقتي وايه مدى التطور وايه الافضل
والحمد لله عملت سيره ذاتيه جديده وبشكل جيد ومحترم ودي تعتبر نقطه مهمه جدا في رحله البحث عن وظيفه
وبدأت طبعا اشترك في كل الجروبات والصفحات الموجوده على الفيس بوك وتويتر الي ليها علاقه بالوظايف وبالاخص الي في تخصصي عشان ابقى متابع جيد للكل الوظائف المتاحه
وطبعا كنت بقوم بإرسال السي في لكل شركه بتطلب او حتى مبتطلبش كنت بجمع ايميلات كل الشركات الي بتيجي في طريقي وابعت ايميل واعرف نفسي فيه واحط فيه السي في
وطبعا كنت بشترك في كل المواقع الخاصه بالتوظيف واملا الابلكشن بتاعها
وطبعا ياجماعه مننساش لينكد ان لأي حد بيدور علي شغل دي منصه قويه جدا للبحث عن وظيفه
بخلاف طبعا المعارف اي حد اعرفه كنت بساله شغال فين وشركتك طالبه ناس ولا لا
وكل الي فات ده كله اسمه السعي لازم نسعي باجتهاد وفي كل الطرق والرزق بيجي من عند ربنا
طيب لو انا عملت كل الكلام ده بس لسه قاعد في البيت وملقتش شغل هل ده تقصير مني ولا لا واعمل ايه غير كل ده
حقولكم ياجماعه انا بعد كل ده موصلتش لشغل ومع ذلك لم اتوقف عن هذا السعي بس بجانب السعي ده فتحت باب رزق لنفسي جديد كمان دخله كويس جدا
المره الجايه حقولكم انا عملت ايه بالظبط وازاي فتحت لنفسي باب جديد للرزق الي حابب يعرف اويسال عن أي تفصيل في الي قولته يسبلي تعليق وانا حرد عليه
No comments:
Post a Comment